പാരീസ്: ഉയര്‍ന്ന ജീവിതച്ചെലവുകള്‍ക്കും വിദ്യാഭ്യാസ മേഖലയിലെ പ്രതിസന്ധികള്‍ക്കുമെതിരെ ഫ്രാന്‍സില്‍ നടന്ന പ്രക്ഷോഭങ്ങള്‍ വലിയ തോതിലുള്ള സംഘര്‍ഷങ്ങളിലേക്ക് വഴിമാറി. ശനിയാഴ്ച പകല്‍ സമയത്ത് പൊതുവെ സമാധാനപരമായിരുന്ന പ്രക്ഷോഭങ്ങള്‍, ഇരുട്ടടിയായതോടെ പാരീസ്, മാഴ്സെ തുടങ്ങിയ നഗരങ്ങളില്‍ കനത്ത അക്രമങ്ങളിലേക്കും കൊള്ളിവെപ്പുകളിലേക്കും നീങ്ങുകയായിരുന്നു. തുടര്‍ന്ന് സ്ഥിതിഗതികള്‍ നിയന്ത്രിക്കാന്‍ പോലീസ് കണ്ണീര്‍വാതകവും ജലപീരങ്കികളും പ്രയോഗിച്ചു.
പ്രധാന വിവരങ്ങള്‍:
വന്‍ ജനപങ്കാളിത്തം: സര്‍ക്കാര്‍ കണക്കുകള്‍ പ്രകാരം രാജ്യത്തുടനീളം ഏകദേശം 4,10,000 ആളുകള്‍ പ്രക്ഷോഭങ്ങളില്‍ പങ്കെടുത്തെങ്കില്‍, സി.ജി.ടി (ഇഏഠ) യൂണിയന്റെ കണക്കുകള്‍ പ്രകാരം ഇത് 8,00,000~ത്തോളം വരും.
ആയിരത്തോളം പേരുടെ അറസ്ററ്: രാജ്യവ്യാപകമായി നടന്ന പ്രതിഷേധങ്ങളിലും അക്രമങ്ങളിലും പങ്കെടുത്തതിന് ആഭ്യന്തര മന്ത്രി ലോറന്റ് നൂനെസിന്റെ കണക്കുകള്‍ പ്രകാരം ഏകദേശം 1,000~ത്തോളം പേരെയാണ് പോലീസ് ഇതിനകം അറസ്ററ് ചെയ്തിരിക്കുന്നത്. 70,000 സുരക്ഷാ ഉദ്യോഗസ്ഥരെയാണ് ഫ്രാന്‍സില്‍ ഉടനീളം വിന്യവിച്ചിരുന്നത്.
മാഴ്സെയിലും മറ്റ് നഗരങ്ങളിലെയും അക്രമങ്ങള്‍: മാഴ്സെയില്‍ രാത്രിയോടെ ഉണ്ടായ ഏറ്റുമുട്ടലുകളില്‍ രണ്ട് ജ്വല്ലറികള്‍ ഉള്‍പ്പെടെ മൂന്ന് കടകള്‍ കൊള്ളയടിക്കപ്പെട്ടു. ക്ളര്‍മോണ്ട്~ഫെറണ്ട്, ടൂളൂസ് തുടങ്ങിയ നഗരങ്ങളില്‍ ഉണ്ടായ സംഘര്‍ഷങ്ങളില്‍ രണ്ട് പേര്‍ക്ക് ഗുരുതരമായി പരിക്കേറ്റു. നാന്റസില്‍ വ്യാപാര സ്ഥാപനങ്ങള്‍ക്ക് നേരെയും അക്രമങ്ങളും കൊള്ളയും നടന്നു.
മറ്റ് യൂറോപ്യന്‍ നഗരങ്ങള്‍: ഇറ്റലിയിലെ മെയ്ലാനില്‍ (ങശഹമി) 10,000ത്തോളം ആളുകള്‍ പങ്കെടുത്ത പ്രക്ഷോഭങ്ങള്‍ വലിയ പ്രശ്നങ്ങളില്ലാതെ അവസാനിച്ചെങ്കിലും, റോമില്‍ പ്രക്ഷോഭകാരികളെ നേരിടാന്‍ പോലീസ് ജലപീരങ്കികള്‍ പ്രയോഗിക്കേണ്ടി വന്നു.തീവ്ര ഇടതുപക്ഷക്കാരാണ് അക്രമങ്ങള്‍ക്ക് പിന്നിലെന്ന് ആഭ്യന്തര മന്ത്രി കുറ്റപ്പെടുത്തിയെങ്കിലും, അര്‍ദ്ധരാത്രിയോടെ ഫ്രാന്‍സിലെ സ്ഥിതിഗതികള്‍ ശാന്തമായിട്ടുണ്ട്.
യൂറോപ്പില്‍ സുരക്ഷ ശക്തമാക്കി ഭരണകൂടങ്ങള്‍: കഴിഞ്ഞ ആഴ്ചകളിലെ കനത്ത അക്രമങ്ങളുടെ പശ്ചാത്തലത്തില്‍ യൂറോപ്പിലെ പ്രധാന നഗരങ്ങളില്‍ വന്‍ പോലീസ് സന്നാഹത്തെയാണ് വിന്യവിച്ചിരിക്കുന്നത്. പാരീസില്‍ എലിസി കൊട്ടാരത്തിന് കാവലായി കവചിത വാഹനങ്ങളും, മാള്ട്ടയിലും മെയ്ലാനിലും കത്തീഡ്രലുകള്‍ക്ക് മുന്നില്‍ പട്ടാളക്കാരെയും വിന്യവിച്ചിരിക്കുന്നു.
വിദ്യാര്‍ത്ഥികളുടെ പത്ത് ഇന ആവശ്യങ്ങള്‍: 250,000 പുതിയ പഠനസ്ഥലങ്ങള്‍, കൂടുതല്‍ അധ്യാപകര്‍, പ്രതിമാസം 200 യൂറോ അധിക സ്ററുഡന്റ് ഗ്രാന്‍ഡ് എന്നിവ ആവശ്യപ്പെട്ടാണ് വിദ്യാര്‍ത്ഥികളും യുവജനങ്ങളും തെരുവില്‍ ഇറങ്ങിയിരിക്കുന്നത്. പ്രസിഡന്റ് ഇമ്മാനുവല്‍ മാക്രോണ്‍ ചര്‍ച്ചകള്‍ക്ക് തയ്യാറായെങ്കിലും സീിസൃലലേ (കൃത്യമായ) നടപടികള്‍ വരുന്നത് വരെ പ്രതിഷേധം തുടരുമെന്ന് വിദ്യാര്‍ത്ഥി സംഘടനകള്‍ അറിയിച്ചു.
വിവിധ നഗരങ്ങളിലെ സംഘര്‍ഷാവസ്ഥ:
ബ്രസ്സല്‍സ്: തെരുത്തുകളില്‍ ബാരിക്കേഡുകള്‍ തീര്‍ത്ത് കലാപകാരികള്‍ അക്രമങ്ങള്‍ക്ക് ശ്രമിക്കുന്നതായി റിപ്പോര്‍ട്ടുകള്‍ പുറത്തുവരുന്നുണ്ട്.
സുരക്ഷ മുന്‍നിര്‍ത്തി ഇരുപതിലധികം മെട്രോ സ്റേറഷനുകള്‍ അടച്ചുപൂട്ടുകയും, ലൂവ് മ്യൂസിയം, ഒപേര എന്നിവയുടെ പ്രവര്‍ത്തനങ്ങള്‍ നിര്‍ത്തിവെക്കുകയും ചെയ്തു. ചാംപ്സ് എലീസീയില്‍ ആന്റി~ടെറര്‍ യൂണിറ്റുകള്‍ പട്രോളിംഗ് നടത്തുകയാണ്.
ഗ്രെനോബിള്‍ & ക്ളര്‍മോണ്ട്~ഫെറണ്ട്: ഇവിടെ പ്രക്ഷോഭകാരികളെ നേരിടാന്‍ പോലീസ് കണ്ണീര്‍വാതകവും പ്രയോഗിച്ചു.
വ്യാപകമായ ആയുധവേട്ട: പ്രതിഷേധങ്ങളുടെ മറവില്‍ വലിയ തോതിലുള്ള അക്രമങ്ങള്‍ നടക്കുമെന്ന മുന്നറിയിപ്പിനെ തുടര്‍ന്ന് നടത്തിയ പരിശോധനകളില്‍ പടക്കങ്ങള്‍, ബെയറിംഗുകള്‍, ആയുധങ്ങള്‍ എന്നിവ പോലീസ് പിടിച്ചെടുത്തു. ആഭ്യന്തര മന്ത്രി ലോറന്റ് നൂനെസ് കര്‍ശന മുന്നറിയിപ്പാണ് നല്‍കിയിരിക്കുന്നത്.
യൂറോപ്പിന്റെ സമാധാനാന്തരീക്ഷം തകര്‍ത്തെറിഞ്ഞുകൊണ്ട് പ്രക്ഷോഭങ്ങള്‍ കൂടുതല്‍ ശക്തമാകുന്ന സാഹചര്യമാണ് നിലവിലുള്ളത്.
വന്‍ പോലീസ് സന്നാഹം: കലാപകാരികളോടും കൊള്ളക്കാരോടും യാതൊരു വിട്ടുവീഴ്ചയുമുണ്ടാകില്ലെന്ന് മന്ത്രി മുന്നറിയിപ്പ് നല്‍കി. സാധാരണ പോലീസ് ഉദ്യോഗസ്ഥര്‍ക്ക് പുറമെ എലൈറ്റ് യൂണിറ്റുകള്‍, കുതിരപ്പട്ടട, കവചിത വാഹനങ്ങള്‍, ഹെലികോപ്റ്ററുകള്‍, വാട്ടര്‍ കാനനുകള്‍, ഡ്രോണുകള്‍, ആന്റി~ഡ്രോണ്‍ സംവിധാനങ്ങള്‍ എന്നിവയും സുരക്ഷയ്ക്കായി സജ്ജമാക്കിയിട്ടുണ്ട്.നിരോധനങ്ങളും കര്‍ശന നിയന്ത്രണങ്ങളും: പാരീസിലെ ചില പ്രധാന ചത്വരങ്ങളില്‍ രാത്രി 11 മണി മുതല്‍ രാവിലെ 6 മണി വരെ കര്‍ഫ്യൂ തുടരും. ട്രേഡ് യൂണിയനായ സി.ജി.ടിയുടെ നിശ്ചിത മാര്‍ച്ചുകള്‍ക്ക് മാത്രമാണ് അധികാരികള്‍ അനുമതി നല്‍കിയിട്ടുള്ളത്. വിദ്യാര്‍ത്ഥി യൂണിയനായ യു.എന്‍.ഇ.എഫ് 'മഞ്ഞക്കുപ്പായക്കാര്‍' എന്നിവരുടെ റാലികള്‍ നിരോധിച്ചിട്ടുണ്ടെങ്കിലും അവര്‍ പ്രതിഷേധവുമായി മുന്നോട്ട് പോകുമെന്നാണ് പ്രഖ്യാപിച്ചിരിക്കുന്നത്. മാഴ്സെ, ലിയോണ്‍ തുടങ്ങിയ പ്രമുഖ നഗരങ്ങളിലും കര്‍ശന നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്.
വ്യാപാരികളുടെ ആശങ്കയും തയ്യാറെടുപ്പുകളും: കഴിഞ്ഞ വാരമുണ്ടായ കനത്ത അക്രമങ്ങളില്‍ നൂറുകണക്കിന് കടകളാണ് തകര്‍ക്കപ്പെട്ടത്. ഇതിന്റെ പശ്ചാത്തലത്തില്‍ പാരീസിലെ വ്യാപാരികള്‍ തങ്ങളുടെ കടകളുടെ ചില്ലുകൂട്ടുകള്‍ക്ക് മുന്നില്‍ തടസ്സങ്ങള്‍ തീര്‍ത്തും, തീവെക്കാനും ആയുധങ്ങളാക്കാനും സാധ്യതയുള്ള വസ്തുക്കള്‍ മാറ്റിയുമാണ് മുന്‍കരുതല്‍ സ്വീകരിച്ചിരിക്കുന്നത്.
സര്‍ക്കാരുമായുള്ള ചര്‍ച്ചയും വിദ്യാര്‍ത്ഥികളുടെ നിലപാടും: പ്രസിഡന്റ് ഇമ്മാനുവല്‍ മാക്രോണ്‍ വിദ്യാര്‍ത്ഥി പ്രതിനിധികളുമായി ചര്‍ച്ച നടത്തിയെങ്കിലും, വ്യക്തമായ തീരുമാനങ്ങള്‍ വരാത്തതിനാല്‍ പ്രക്ഷോഭങ്ങള്‍ തുടരുമെന്ന് വിദ്യാര്‍ത്ഥി നേതാക്കള്‍ വ്യക്തമാക്കി. തിങ്കളാഴ്ച പ്രധാനമന്ത്രിയുമായി നടക്കുന്ന ചര്‍ച്ചയ്ക്ക് ശേഷമേ അന്തിമ തീരുമാനമുണ്ടാകൂ.
Comments: